Тілдер мерекесі

Бүгін Қазақстан Республикасының халықтарының Тілдері күніне орай «Тілім менің - тірегім» атты қазақ, орыс, ағылшын пәндерінің ұйымдастыруымен тіл апталығының ашылуы өтті. Бұл мерекенің Ахмет Байтұрсынұлының туған күнімен тұспа тұс келуі де жайдан жай емес. «Егер де біз қазақ деген ұлт болып тұруды тілесек, қарнымыз ашпас қамын ойлағанда тіліміздің де сақталу қамын қатар ойлау керек» деп қазақ халқының тілі үшін күрескен бірден бір тұлға екені бәрімізге белгілі. Осы айтулы күнге 5 орта мектеп ұстаздары мен оқушылары да өз үлестерін қосты. Тіл туралы өлеңдер мен арнаулар оқылды.