"Жас маман - еліміздің тірегі, жарқын болашағы!"

Жаңадәуір ауылы "№5 орта мектеп"МКМ базасында 01.04-12.04.2024ж аралығында "Жас маман-еліміздің тірегі, жарқын болашағы" атты жас мамандар онкүндігі өткізілді. 
Мақсаты: жас маманның теориялық білімдерін практикамен ұштастырып, құзыреттілігін жетілдіру және кәсіби дағдыларын шыңдауға ықпал ету. 
Онкүндік аясында "Бояулар құпиясы" (сурет байқауы), "Белсенді әдіс-тәсілдердің тиімділігі" (дөңгелек үстел), "Сөз мәйегі-мақал-мәтел" (көңілді үзіліс), "Ой мен ойын", "Спорт-денсаулық кепілі" (эстафеталық жарыс), "Білімді мыңды жығар" (зияткерлік сайыс), "Жайдарлы жайдарман" (КТА ойындары), "Тіл білгірі" (сайыс сабағы) сынды сайыстармен қатар ашық сабақтар өткізілді. "Жас маман-2024" байқауы өткізіліп, үздіктер таңдалып, марапатталды.
Осы онкүндікте жас мамандарға қолдау көрсеткен барша мектеп ұжымына алғыс айтамыз!